Zer dira Eskola Txikiak?

Aurrean Eskola Txikien ezaugarri nagusiak dituzue baina zeintzuk dira Eskola Txikiak?
Eskola txikiak definitzea ez da erraza. Ume-kopuru txikiak (normalean 100 baino gutxiago) hala eskatuta, Eskola Txikiek adin desberdineko ikasleak ikastalde berean elkartu behar dituzte. Gehienetan landa ingurunean egoten dira kokaturik, herri edo auzoko eskola bakarra izaten dira eta gehienez sei ikastalde izaten dituzte. Horrela definitzen ditu Eskola Txikiak Eusko Jaurlaritzak argitaratutako 21/2009 dekretuak. Hala ere, badira definizio honen baldintza guztiak betetzen ez dituzten Eskolak euren burua Eskola Txikitzat hartzen dutenak.